Internetda Apple kompaniyasining iPhone 13 yoki iPhone 12s nomi ostida sotuvga chiqishi kutilayotgan yangi smartfonining taxminiy tasviri paydo bo‘ldi, deb xabar beradi IXBT.

Ushbu tasvirga ishoniladigan bo‘lsa, qurilma dizaynida sezilarli o‘zgarishga asosiy kamera bloki duch keladi. Bunga qadar asosiy blok orqa paneldan biroz ko‘tarilgan holda taqdim etilgan, obyektivlar alohida holda yanada balandroq joylashgan bo‘lsa, endilikda butun kamera bloki umumiy himoya oynasi bilan qoplangan.

Bu, birinchidan, yangi iPhone’ni o‘zidan oldingi versiyalardan darhol ajratib olish imkonini bersa, ikkinchidan, kameralarni ortiqcha qiyinchiliksiz artishga yordam beradi.

Yangi smartfon taqdimotiga hali yarim yildan ortiq vaqt borligi hisobga olinadigan bo‘lsa, hali oldinda ko‘plab batafsil renderlar paydo bo‘ladi. Xususan, odatda yangi iPhone’larga ancha mos keladigan tasvirlar yilning dastlabki oylarida taqdim etiladi.

Avvalroq iPhone 13 barmoq izi skaneriga ega bo‘lishi, shuningdek, 1 terabayt ichki xotiraga ega smartfon sifatida tarixga kirishi to‘g‘risida xabar berilgandi.скачать dle 10.5фильмы бесплатно