Alisher Usmonovning matbuot xizmati milliarderning O'zbekiston yangi rahbariyatiga ta`sir o'tkazishi haqidagi ma`lumotlarni inkor qildi. Bu haqida tadbirkorning matbuot xizmatiga asoslanib Kun nashri xabar bermoqda. "Milliarder Alisher Usmonovning O'zbekiston yangi rahbariyatiga aloqasi yo'q, bu boradagi maqolalar esa mish-mishdan boshqa narsa emas", - deb yozadi Forbes tadbirkorning matbuot xizmati xabariga asoslanib.

"Bir necha marta aytilganidek, A.B.Usmonov O'zbekistonning siyosiy hayotida ishtirok etmaydi", - deyilgan matbuot relizida. Shuningdek unda Usmonovning O'zbekistonda ko'p do'stlari va qarindoshlari borligi ta`kidlangan.

Manbaga ko'ra, agar O'zbekiston rahbariyati qandaydir yordam so'rab murojaat qilsa, Alisher Usmonov "foydasi tegishidan xursand bo'ladi". Matbuot relizida shuningdek ishbilarmonning "tarixiy vataniga muvaffaqiyatlar va farovonlik" tilashi ma`lum qilingan.

Bundan avval Reuters agentligi ikki diplomatik manbasiga tayanib, O'zbekistonning boshqaruv tizimiga doir xato ma`lumot bergan va Alisher Usmonovning hozirgi rahbariyatga ta`sir ko'rsatishi mumkinligi haqida yozgan va "Toshkent aeroportida milliarderning samolyoti ko'p kuzatilayotgani"niga ishora qilgan.скачать dle 10.5фильмы бесплатно