Ratsioningiz turli-tuman bo‘lsin

Donli bo‘tqalar yeng, ular ovqat hazm qilish va miyadagi qon aylanishini tezlashtiradi, ayniqsa, so‘li yormasi va grechka. Dog‘lanmagan yog‘, baliqning yog‘li navlari, bananlar va kartoshkani ratsioningizga qo‘shing. Tarkibida E vitamini, Omega-3 va kaliy mavjudligi uchun bu mahsulotlar periferik tomirlardagi qonni haydaydi, natijada organizmda issiqlik oshadi. O‘tkir hidli ziravorlar – dolchin, qora, qizil va oq qalampir, zanjabil tomirlarni kengaytirish xususiyatiga ega. Tomirlarni kengaytirish uchun bioflavonoidlarga boy mahsulotlar: malina, chernika, olcha, klyukva, yer tuti va uzum iste’mol qiling. Mevalar qanchalik to‘q rangda bo‘lsa, foydali moddalari shunchalik ko‘p bo‘ladi. Qishda sarxil mevalar qimmat turadi va hamma joyda sotilmaydi. Shuning uchun muzlaganlarini ham olsangiz bo‘ladi – ularning foydali xususiyatlari saqlanib turgan bo‘ladi.

Faol harakatda bo‘ling

Ko‘pchilikning o‘ylashi bo‘yicha, tanada issiqlikni saqlab qolish uchun energiya sarfini kamaytirish va tempni sekinlashtirish kerak. Bu noto‘g‘ri! Odam issiqlikni faol chiqarganida, u tanada saqlanadi. Muskullar yog‘larga nisbatan energiyani va issiqlikni yaxshi to‘playdi.
Sportzalda yoki uyda shug‘ullanish yaxshi tanlov bo‘la oladi. Bunda nafaqat isinasiz, balki muskullaringizni ham mustahkamlaysiz. Sportni yaxshi ko‘rmasangiz, o‘zingizga yoqqan jismoniy faollik bilan shug‘ullaning: toza havoda sayr qiling yoki bolalar bilan o‘ynang.

Ko‘proq suv iching

Qishda kam chanqaysiz, suyuqlik yetishmovchiligi esa organizmda qon hajmini kamaytiradi, natijada odam sovqotishni boshlaydi. Faqat suv ichish shart emas: suv o‘rniga issiq sho‘rva yoki limonli choy ham bo‘ladi. Kofein miokardda, buyraklarda va muskullarda qon tomirlarini kengaytiradi, ammo ko‘pchilik ichki organlar, jumladan, bosh miya kapillyarlarini qisqartiradi.

Chiniqing

Kontrast dush – tetiklashish, terini tortish, sellyulitning paydo bo‘lishini kamaytirish va termoregulyatsiyasini yaxshilashga yordam beradigan taomildir. Birdaniga issiq va sovuq dush ostida turishga hali tayyor bo‘lmasangiz, tomirlar uchun oddiy gimnastikadan boshlang – qo‘llaringiz uchun vanna qiling. Buning uchun sizga ikkita idish kerak bo‘ladi: issiq (40 gradusdan yuqori bo‘lmagan) suvli va sovuq suvli idish. Har birida qo‘llaringizni 10 daqiqadan tutib turasiz, buni bir necha bor takrorlaysiz.

Stressni kamaytiring

Derazaga qarab, ob-havo ma’lumotidan xabardor bo‘lgach, darhol etingiz junjikib ketdimi? Demak, o‘zingizni sovuq uchun sozladingiz va organizm reflektor tarzda ishladi. Odatda bunday simptomlar uzoq davom etmaydi. Agar issiq xonada ham hech isimasangiz, sababi psixosomatika bilan bog‘liq bo‘lishi mumkin: hech qanday sababsiz ham sovqotadigan odam xotirjam bo‘lolmayotgan va hissiyotlarini saqlolmaydigan odam bo‘ladi. Kamroq zo‘riqishga va ko‘proq sevimli ishlaringiz bilan shug‘ullanishga harakat qiling.

Chekmang

Segaret tutuni qon aylanishini sekinlashtiradi. Boston universiteti kardiologlari Uilson Nadriz boshchiligida deyarli besh ming amerikalik o‘rtasida tadqiqot o‘tkazdi. “Circulation” jurnalining 2016-yilgi sonidagi “Cardiovascular imaging” maqolasida olimlar chekish yurak funksiyasini yomonlashtirishi va uning tuzilishini o‘zgartirishini aniqladi. Qonga tushgan nikotin va kanserogenlar qon tarkibini o‘zgartiradi, trombotsitlarning yopishib qolishiga olib keladi, kapillyarlar va arteriyalarda og‘riqlarni vujudga keltiradi.

Shifokordan maslahat oling

Ko‘pincha, sovuqqonlikning sababi qon tomirlarining noto‘g‘ri ishlashi yoki tomir tonusining yo‘qolishi bo‘lishi mumkin. Samara davlat tibbiyot universiteti nevrologiya va neyropsixologiya kafedrasi mudiri, shifokor Irina Poverennovaning so‘zlariga ko‘ra, yordam so‘rab murojaat qilgan bemorlarning, deyarli, 50 foiziga ushbu tashxis qo‘yiladi. Agar sizda shunday holat bo‘lsa, davolanishning tegishli usullarini shifokor bilan muhokama qilib ko‘ring.скачать dle 10.5фильмы бесплатно