Xitoyning elektron qurilmalar ishlab chiqaruvchi Xiaomi kompaniyasi “Apple’ga qarshi qonun” talablariga muvofiq o‘z smartfonlariga Rossiya dasturlarini o‘rnatishini ma’lum qildi. Bu haqda RNS xabar berdi.

Xiaomi mazkur yangi qonunga bo‘ysunishga rozilik bildirgan ikkinchi kompaniya bo‘ldi. Avvalroq Samsung kompaniyasi mazkur yangi talablarni bajarishga tayyor ekanligini ma’lum qilgan.

Xiaomi’ning bayonotida ma’lum qilinishicha, kompaniya Rossiya qonunchiligining me’yorlariga qat’iy amal qiladi hamda zarur holatlarda qo‘shimcha dasturiy ta’minotni qurilmalarning ishchi rejimida o‘rnatadi.

Xiaomi Rossiyada smartfonlar sotish bo‘yicha 4-o‘rinda turadi, uning ulushi bozorda 14 foizni tashkil qiladi. Rossiya smartfonlar bozorida esa birinchilikni Samsung kompaniyasi 26 foiz bilan egallab turibdi.

Smartfonlar, planshetlar va kompyuterlarga Rossiya dasturlarini o‘rnatishni ko‘zda tutuvchi qonun 2019-yilning dekabr oyida qabul qilingan. Tavsiya etiladigan mobil dasturlar ro‘yxatidan brauzerlar, xarita xizmatlari, davlat xizmatlari dasturlari, messenjerlar, ijtimoiy tarmoqlar va pochta xizmatlari o‘rin olgan. Qurilmalarni ishlab chiqaruvchi kompaniyalar dasturlarni o‘rnatishni 2020-yilning iyul oyidan boshlashi kerak.

Yangi qoidalar “Apple’ga qarshi qonun” deb ataladi, chunki Apple kompaniyasiga ko‘ra, Rossiya uni mamlakatdan chiqib ketishga majbur qilishi mumkin.

Monopoliyaga qarshi kurash federal xizmati qonunni kengaytirishni rejalashtirmoqda. Xizmat qonunga o‘zgartirishlar kiritishni taklif qilgan. O‘zgartirishlar operatsion tizimlarni ishlab chiqaruvchi kompaniyalar foydalanuvchilarga o‘z dasturlarini o‘chirishga ruxsat berishini ko‘zda tutadi. Masalan, Android operatsion tizimi foydalanuvchisi Google’ni o‘chirishi mumkin bo‘ladi.скачать dle 10.5фильмы бесплатно