Robomobillar ishlab chiqaruvchi Waymo kompaniyasi haydovchisiz boshqariluvchi mashinalarda yuklarni yetkazish xizmati Via yo‘lga qo‘yilayotganini e'lon qildi.

Alphabet korporatsiyasi tarkibiga kiruvchi Waymo 2,25 mlrd dollarlik sarmoya jalb qilgandan keyin Waymo Via xizmati yo‘lga qo‘yilishini ma'lum qilgan.

“Biz Arizona, Nyu-Meksiko va Texasni birlashtiruvchi I-10 transport yo‘lagi bo‘ylab o‘zimizning 8-sinfdagi yuk mashinalarimiz uchun yo‘nalishlar ochmoqdamiz”, deb aytgan Waymo rahbari Jon Krafchik.

Gap Waymo Kaliforniya, Arizona va Jorjiya shtatlarida sinovdan o‘kazgan avtonom yuk mashinalari haqida bormoqda.

Waymo tashkil etilgandan beri uning yuk mashinalari haydovchisiz rejimda haqiqiy avtomobil yo‘llari bo‘ylab 32 mln kilometr va virtual yo‘llar bo‘ylab 16 mlrd kilometr masofani bosib o‘tgan. Ayni vaqtda kompaniyada Chrysler Pacifica minivenlari floti mavjud bo‘lib, ularda yo‘lovchilarni haydovchisiz tashishga ruxsat berilgan.скачать dle 10.5фильмы бесплатно