Ta’kidlanishicha, mutaxassislar iOS 14 operatsion tizimining kodida bu haqida ma’lumot beruvchi belgilarni aniqlagan.

Yangi operatsion tizimning kodlari orasida 4,7 hamda 5,5 dyuymli ekranga ega qurilmalar haqida ma’lumot borligi taxmin qilinmoqda. Mish-mishlarni hisobga olgan mutaxassislar Apple bir vaqtning o‘zida iPhone SE’ning birdaniga ikki avlodini yaratish ustida ish olib bormoqda degan xulosaga kelgan.

Gadjetlar iPhone 9 hamda 9 Plus nomlarini olish ehtimoli mavjud, ammo bu haqida aniq ma’lumot yo‘q. Kompaniya oxirgi marta bir vaqtning o‘zida ikkita qurilmani 2017-yilda taqdim etgandi — iPhone 8 va 8 Plus.

Ma’lumotlarga ko‘ra, ikkala qurilma ham IPS-ekran, Touch ID’li Home tugmasiga ega bo‘ladi va Apple Pay funksiyasini qo‘llab-quvvatlaydi. Gadjetlarga Apple A13 Bionic protsessorlari o‘rnatilishi mumkin.
Eslatib o‘tamiz, Apple rahbari koronavirus tufayli ishchilarga uydan ishlashga ruxsat bergan, Xitoydan tashqaridagi barcha do‘konlarini ikki haftaga yopmoqda.скачать dle 10.5фильмы бесплатно