Amerikada birinchi bor videoo‘yin davolash xususiyatiga ega deb tan olindi. Bu haqda Oziq-ovqat va dori vositalari sifatini nazorat qilish boshqarmasi saytida ma’lum qilingan.

Mutaxassislar EndeavorRX o‘yin qurilmasidan diqqat yetishmovchiligining giperaktivligi buzilishidan (DYGB) aziyat chekuvchi bolalarni davolashda foydalanishga ruxsat bergan. O‘yin 8-12 yoshli bolalar uchun mo‘ljallangan.

Yetti yil davom etgan klinik sinovlar vaqtida qurilmaning samarasi DYGB tashxisi qo‘yilgan 600 nafar bolada sinab ko‘rilgan.

Tadqiqotchilarining ta’kidlashicha, mazkur o‘yinni bir oy davomida haftasiga besh kun, kuniga 25 daqiqadan o‘ynagan har uch nafar bolaning birida diqqat yetishmovchiligining giperaktivligi buzilishi minimumga tushgan yoki yo‘qolib ketgan.

Endilikda tibbiyot xodimlari qurilmadan terapiya sifatida foydalanishlari mumkin. Ayrim tadqiqotchilarning so‘zlariga ko‘ra, kompyuter o‘yini DYGBni davolashda qo‘llaniladigan boshqa usullar o‘rnini to‘liq egallay olmaydi.скачать dle 10.5фильмы бесплатно