Britaniyalik ixtirochilar kelajak samolyotlari salonining konseptual dizaynini namoyish etdi, deb xabar beradi The Sun.

Kelajak samolyotlari saloni sayohatchilarni infeksiya tarqalishidan himoyalashga mo‘ljallangan. Innovatsion uslub, shuningdek, gigiyena darajasini oshirishi va parvoz sifatini yaxshilashi kerak. O‘rindiqlar ultrabinafsha usulida tozalanadigan materiallardan yaratiladi, bu koronavirusni o‘ldirishga yordam beradi.

Shuningdek, nomlarda ham o‘zgarishlar sodir bo‘lgan: “ekonom-klass” Pure Skies Zones, “biznes-klass” esa — Pure Skies Rooms deb ataladi. Kelajakda “ekonom-klass”dagi ayrim o‘rinlar shaxmat shaklida joylashtiriladi, bu esa yo‘lovchilar o‘rtasida aloqa darajasini kamaytirishga xizmat qiladi. Ko‘ngilochar televideniyedan voz kechiladi, uning o‘rniga smartfonni rozetkaga ulash, o‘rindiqni moslashtirish va shaxsiy kontentni tomosha qilish imkoniyati taqdim etiladi.

Shuningdek, o‘rindiq orqa qismiga simsiz quvvatlantirgich o‘rnatiladi. Bukletlar yotadigan hamyonlar ham chiqindi va zararli bakteriyalar yig‘ilmasligi uchun olib tashlanadi. Uning o‘rniga almashtiriluvchi paketlar qo‘yiladi. Pure Skies Rooms shaxsiy shkaflar, darpardalar va katta ekranli televizorlarga ega bo‘ladi.

Mazkur loyihani 3 yildan so‘ng amalga oshirish rejalashtirilmoqda.

Avvalroq Italiyaning aviatsiya interyerlarini ishlab chiqarish bilan shug‘ullanuvchi Avio Interiors kompaniyasi antivirusli o‘rindiqlarga ega samolyot saloni konseptini taqdim etgandi.скачать dle 10.5фильмы бесплатно