Yekaterinburga “Eshak” nomli restoranning ochilayotganligi haqidagi xabar o‘tgan haftada katta shov-shuvga aylangandi. Aksariyat millatimiz vakillari bu nomni “o‘zbeklarga bo‘lgan haqorat”, deya baholadi. Restoran rahbari esa ko‘pchilikka yaxshi tanish rossiyalik kulgu ustasi Sergey Svetlakovdir. Bunday gap-so‘zlardan so‘ng Svetlakov bu holatga izoh berdi.

Sergey Svetlakov o‘z restoraniga bunday nom berish orqali boshqa millat vakillarini aslo kamsitmoqchi emasligini ta’kidlamoqda. Bu haqda “Vedomosti Ural” agentligi yozmoqda.

“Agar bizning reklamamizda eshakning surati bo‘lib, yana “Eshak” deb yozilgan bo‘lsa, bu holatdan faqatgina o‘sha rasmdagi eshak xafa bo‘lishga haqli. Restoranimizning barcha reklama materiallari Sharqning milliy an’analari, mehmondo‘stligi, donoligiga nisbatan chuqur hurmat ruhida yaratilgan.

Men uchun eshak bolaligimdagi ochiqko‘ngil va samimiy bo‘lgan sehrli jonzot. Shurik yoki Nasriddin Afandini eshaksiz tasavvur etishning imkoni yo‘q. Bizning rus yerlarida sharqona restoran ochishimizni ko‘plab millat vakillari qo‘llab-quvvatlagan edi.

Umid qilamanki, kimdir tasodif bilan bizni noto‘g‘ri tushundi. Restoranimizga tashrif buyurgan har bir mehmonni iliq so‘zlar, tabassum va ochiq dasturxon kutib oladi. Men ortiqcha izoh berishni xohlamayman”, deydi Sergey Svetlakov restoranning ochilish marosimida.скачать dle 10.5фильмы бесплатно