Qovurg‘asi singanligi aytilayotgan Grigoriy Leps 21-may kuni Toshkentda konsert beradi
OAVlar Grigoriy Leps yiqilib tushib, bir nechta qovurg‘asini sindirib olgani haqida xabar berdi. Shunga qaramay Grigoriy Leps 21-may kuni Toshkentda konsert beradi. Bu haqda konsert tashkilotchisi Matershow tashkiloti rahbari Javdat Ochilov jurnalist Feruz Muhammadga ma’lum qildi.

Lepsning vakili Natalya Mostakova qo‘shiqchi rostdan ham Moskvadagi shifoxonalardan biriga yotqizilganini tasdiqlagan, biroq u ham hodisa qanday yuz berganini izohlamagan.

OAVlarda Grigoriy Lepsning qovurg‘asi singanligi haqidagi gaplarni eshitganimdan so‘ng, 18-may kuni xonandaning ish boshqaruvchisi bilan bog‘landim. Haqiqatdan ham Grigoriy Leps shifoxonaga yotqizilgan, ammo uning qovurg‘asi sinmagan, balki darz ketgan ekan. Grigoriy Lepsning shu kunlarda bo‘lib o‘tishi rejalashtirilgan konsert dasturlari bilan bir qatorda, 21-may kuni Toshkentning “Xalqlar do‘stligi” san’at saroyidagi konsert dasturi ham qoldirilmaydi.

Javdat Ochilov, konsert tashkilotchisi

Ma’lumot uchun bungacha Grigoriy Lepsning Toshkentdagi konsert dasturi ikki bor qoldirilgan edi. 27-fevral kuni bo‘lib o‘tishi rejalashtirilgan konsert dasturi Grigoriy Lepsning shaxsiy muammolari tufayli, 26-mart kuni rejalashtirilgan dastur esa Rossiyadan texnik apparaturalarning yetib kelmaganligi uchun qoldirilgan edi.

Eslatib o‘tamiz, Grigoriy Lepsning konsert dasturiga eng arzon chipta — 120 ming so‘m, eng qimmati esa 2 million so‘mdan sotilgan edi.скачать dle 10.5фильмы бесплатно