O‘zbekiston xalq artisti Ozodbek Nazarbekov 2017-yilgi mavsumda konsert bermaydi. Bu haqda qo‘shiqchining matbuot kotibi Dilbahor Xudoyberdiyeva jurnalist Feruz Muhammadga ma’lum qildi, Bu haqda “Daryo” nashri xabar beradi.

“Ozodbek Nazarbekov chindan ham 2017-yilda konsert dasturi bermaydi, bu borada tanaffus qiladi”, — deb gap-so‘zlarga oydinlik kiritgan qo‘shiqchining matbuot kotibi.

Deyarli bir oyga yaqin vaqt davomida muxlislari bilan yuzma-yuz ko‘rishishni odat qilgan xalq artistining to‘satdan bunday fikrga kelishiga sabab nima, deb berilgan savolga Xudoyberdiyeva shunday javob qaytardi:

“Nazarbekov so‘nggi yillarda taqdim etgan konsertlarining barchasida yuz foiz jonli ijroda kuyladi, kuchli bosim bilan mehnat qildi. Bu esa o‘z ta‘sirini ko‘rsatdi, unda ham ruhiy, ham jismoniy tomondan toliqishlar bo‘ldi”.

Qayd etish kerak, Ozodbek Nazarbekov “O‘zbeknavo” estrada birlashmasi tomonidan tashkil etilgan “Mavsum xitlari” konsert dasturida qatnasha olmagan, ikki kundan so‘ng esa Turkmanistondagi konsertda chiqish qilgandi.

“‘Mavsum xitlari’ taqdirlash marosimida isitmasi ko‘tarilib ketgani uchun ishtirok eta olmadi. Biroq Turkmanistondagi konsertga borishi oldindan belgilab qo‘yilgani uchun, betob bo‘lishiga qaramay uni o‘tkazib qaytdi”, — deb vaziyatga tushuntirish bergan qo‘shiqchining matbuot kotibi.

Dilbahor Xudoyberdiyevaning ta’kidlashicha, Ozodbek Nazarbekov konsert berishdan tanaffus qilgan bo‘lsa-da, ijod qilishdan to‘xtamagan.скачать dle 10.5фильмы бесплатно