Dunyoda eng keng tarqalgan mobil platforma – Android uchun ishlab chiqilgan dasturlar, shuningdek kitob, kino va seriallar koʻp. Google Play ular orasidan bu yildagi eng yaxshilarini eʼlon qildi.

Taʼkidlab oʻtish oʻrinliki, ularning aksariyati bepul boʻlib, quyidagi roʻyxatlarda nomiga joylangan havola orqali yuklab olish imkoniyati mavjud.

“Eng yaxshi oʻyin” nominatsiyasida PUBG Mobile gʻolib boʻldi, “Eng yaxshi ilova” sifatida esa xorijiy tillarni oʻrganish dasturi – Drops eʼtirof etildi.

Reyting tuzuvchilarga koʻra, yilning eng yaxshi koʻngilochar ilovalari quyidagilardir:
VIMAGE – fotosuratlarga turli effektlar qoʻshuvchi dastur;
Neverthink – mobil “televideniye”;
No.Draw – bolalar va kattalar uchun boʻyash oʻyini;
TikTok – musiqiy fonli qisqa videolavhalar yaratuvchi ilova;
Scout FM – podkastli “radio”.

Shaxsiy kamolotga erishish uchun eng yaxshi beshta ilova:
Mimo – dasturlashni mustaqil oʻrganish ilovasi;
Drops – xorijiy tillarni oʻrganish servisi;
10% Happier – meditatsiya yordamchisi;
Keep – uy “trener”i;
MasterClass – mashhur shaxslardan kuylash, kulinariya va boshqa yoʻnalishlar boʻyicha darslar.

2018 yilning eng yaxshi musobaqa oʻyinlari esa quyidagilardir:
PUBG Mobile;
Warhammer Age of Sigmar: Realm War;
DRAGON BALL LEGENDS;
Asphalt 9;
Badland Brawl.

Yakuniga yetayotgan yilning eng yaxshi filmlari sifatida “Qora pantera”, “Qasoskorlar: Cheksizlik jangi”, “Tor: Ragnaryok”, “Jumanji: Changalzorga xush kelibsiz” hamda “Dedpul 2” eʼtirof etildi.

Eng yaxshi seriallar deb “Yuruvchi marhumlar”, “Riverdeyl”, “Katta portlash nazariyasi”, “Flesh” va “Kuchuklar patruli” eʼlon qilindi.

Va nihoyat, 2018 yilning eng yaxshi kitobi sifatida AQSH prezidenti Donald Tramp haqidagi “Olov va Shiddat” asari tan olindi.скачать dle 10.5фильмы бесплатно