Олимлар смартфонларни кўз касалликларини кўз шифокори - офтальмологга мурожаат қилгунгача аниқлай оладиган қилдилар. Бу ҳақда Engadget портали хабар берди.

Кўз касаллиги бор-йўқлигини Cradle (Computer Assisted Detector of Leukoria) мобил дастури ёрдамида текшириш мумкин. Дастурни iOS ва Android операцион тизимларида ишловчи смартфонларга юклаб олиш мумкин. Дастур катарактадан бошлаб ретинобластомагача бўлган кўз касалликларини аниқлаш учун смартфон камерасидан фойдаланади.

Дастур ҳар қандай ёшдаги одамда кўз касаллигини аниқлай олади, бироқ у кўпроқ болалар учун асқатади, чунки улар соғлиқларида муаммоларга дуч келганларини англамайдилар.

Дастурчилар дастурни кўз касаллигини аниқлашга 40 боланинг 53 минг суратида ўргатишди. Бу болалардан ярми кўз касалликларидан азият чеккан. Дастур 16 болада уларнинг кўз шифокорига мурожаат қилишидан ўртача 1,3 йил аввал кўз касаллиги борлигини аниқлай олган бўлса-да, дастурчилар Cradle офтальмолог ҳузурида малакавий кўрикдан ўтишнинг ўрнини боса олмаслигини ва фақатгина эҳтимолий муаммолардан огоҳлантиришда асқатишини таъкидлаб ўтганлар.скачать dle 10.5фильмы бесплатно