Apple kompaniyasining navbatdagi flagmanlari nafaqat 5G aloqa tarmog‘ini qo‘llab-quvvatlaydi, balki yangilangan dizaynga ham ega bo‘ladi. Bu haqda Bloomberg kompaniya rejalaridan xabardor o‘z manbalariga tayanib, ma’lum qildi.

Ma’lumotlarga ko‘ra, smartfonlar iPad Pro’ning so‘nggi versiyasi kabi ko‘rinishda bo‘lib, yanada ingichka hoshiya va o‘tkir burchakli metall korpusga ega bo‘ladi. Qaysidir jihatdan flagmanlar iPhone 5’ga o‘xshab ketadi.

Ta’kidlanishicha, yangi iPhone Pro uchta kamerani saqlab qoladi, kichik modelda esa iPhone 11 kabi ikkita kamera bo‘ladi. Biroq flagmanlar kompaniya o‘zining yangi iPad Pro 2020’siga o‘rnatgan LIDAR’ga (yorug‘lik yordamida masofani aniqlash va o‘lchashga mo‘ljallangan texnologiya) ega bo‘ladi. Shuningdek, smartfonlarga yanada kuchliroq protsessor o‘rnatilishi kutilmoqda.

iPhone’ning 5G aloqa tarmog‘ini qo‘llab-quvvatlash qobiliyatiga ega eng ommabop versiyasiga xuddi iPhone 11 Pro Max’dagi kabi 6,5 dyuymli ekran o‘rnatiladi. Hozirda Apple frontal kamera va Face ID datchigi o‘rnatilgan qirqimdan voz kechish yo‘llarini qidirmoqda. 2020-yilda kompaniya hech bo‘lmaganda uning o‘lchamini kichraytira olishi mumkin.
Koronavirus pandemiyasi sabab hozircha yangi flagmanlar qachon taqdim etilishi noma’lum.скачать dle 10.5фильмы бесплатно