Internetda Xiaomi kompaniyasining yangi patenti paydo bo‘ldi. Hujjatda aylanuvchan tashqi kameraga ega mobil qurilmalarning yangi turi haqida so‘z boradi, deb xabar qiladi Gizmochina.

Patentga ko‘ra, yangi qurilma frontal kamera modulidan voz kechgan. Buning o‘rniga orqa tarafdagi asosiy kameraga o‘z joyini o‘zgartirishga qodir sensor o‘rnatilgan. Frontal datchik kerak bo‘lib qolsa, uni darhol aylantirgan holda foydalanish mumkin.

Yangi dizaynning maqsadi deyarli ma’lum — ishlab chiqaruvchi smartfon ekranida ortiqcha narsalar bo‘lishini xohlamayapti. Mazkur yangilik sabab displey old panelni to‘liq egallaydi.

Tasvirlardan yangi mobil kamera qay tarzda ishlashini tushunib bo‘lmaydi. Shunga qaramay, bu kabi variant ayrim ishlab chiqaruvchilar frontal kamerani yashirishda foydalanayotgan mexanizmning muqobiliga aylanishi mumkin.скачать dle 10.5фильмы бесплатно