Telegram messenjerining 3.15 — yangi versiyasi foydalanishga topshirildi. Unda bir nechta qiziq yangiliklar o‘rin egallagan. Shulardan biri muhim suhbatlarni eng tepada ko‘rinadigan qilib qo‘yish:

Masalan, ota yoki onangiz, turmush o‘rtog‘ingiz, hamkasblaringiz, rahbaringizning sizga yozganlarini ko‘plab suhbatlar, kanal va guruhlar orasida ko‘rmay qolishni istamaysizmi?

U holda ushbu yangi funksiya sizga yordam beradi. Muhim kishi bilan qilinayotgan suhbat ustida biroz bosib turish (iOS uchun keyin chapga surish) bilan chatlarni pin qilib qo‘yish mumkin.

IFTTT (If This Then That) funksiyasi

Ushbu funksiya yordamida Telegram akkauntni 360dan ortiq servislar bilan integratsiyalab qo‘ysa bo‘ladi. Bunday servislar qatorida Instagram, Gmail, Twitter va ba’zi Internet of Things (masalan, aqlli uy) qurilmalari mavjud.

Bunda pochtangizga xat kelsa, IFTTT orqali sizga bu haqda xabar beriladi, Instagram’ga surat qo‘ysangiz, uni Telegram’ga bo‘lishishingiz, Twitter tvitlarini qabul qilsangiz bo‘ladi. Shuningdek, Internet of Things qurilmalarini Telegram orqali boshqarish yoki ulardan xabarlar olib turishingiz mumkin.

Android’dagi yangiliklar

• Surat yuborayotganda ularni ma’lum gradusga burish — rotation;
  
• YouTube videolarini ko‘rish uchun yangi player. Shuningdek, bu playerni kichraytirib, suhbatni davom ettiraverish va videoni tomosha qilaverish mumkin;
  
• Secret Chats’ga xabarlar hamda media fayllarni forward qilish imkoniyati.
  

скачать dle 10.5фильмы бесплатно