IHS Markit kompaniyasi tahlilchilari 32 gigabaytli xotiraga ega yangi iPhone 7’ning butlovchi qismlari narxini hisoblab chiqdi. Bu haqda kompaniya saytida aytiladi. Tadqiqot chog‘ida ekspertlar bunday komplektatsiyadagi yangi flagman qiymati 223,8 dollarga tengligini aniqladi. Ammo ushbu ko‘rsatkich o‘z ichiga faqat butlovchi qismlar tannarxini oladi, qurilmani ishlab chiqish va yig‘ish xarajatlarini hisobga olmaydi. Yangi smartfonning chakana narxi AQShda 649 dollarga teng. iPhone 7’ning eng qimmatbaho qismi displey bo‘lib chiqdi, uning narxi 43 dollarga baholandi. Intel protsessori va tarmoq platalari 34 dollardan turadi. Butlovchi qismlarning eng arzonlaridan biri akkumulyator bo‘ldi — 2,5 dollar. Ekspertlar, shuningdek, yangi flagmanni ishlab chiqarish iPhone 6s’ga nisbatan 36,89 dollarga qimmatroq tushishini aniqladi.
Bu haqda “Daryo” nashri xabar beradi.скачать dle 10.5фильмы бесплатно