O‘zbekistonda o‘tkazilayotgan Axborot-kommunikatsiya texnologiyalari haftaligi doirasida 21-sentabr kuni navbatdagi ICTExpo 2016 axborot-kommunikatsiya texnologiyalari ko‘rgazmasi o‘z ishini boshladi, Bu haqda “Daryo” nashri xabar beradi. AKTdan foydalanish bo‘yicha mintaqaviy darajaning o‘sib borayotgani bois, ko‘rgazma an’anaga ko‘ra, tarmoqli ko‘rinishda tashkil etilib, bir vaqtning o‘zida Toshkent va Namangan shaharlarida bo‘lib o‘tmoqda. Ko‘rgazmada elektron hukumat tizimining joriy etilishida hozirgi kunga qadar amalga oshirilgan ishlar, xususan davlat boshqaruvi organlari tomonidan aholiga, tadbirkorlik subyektlariga ko‘rsatilayotgan interaktiv xizmatlar namoyish etiladi. ICTExpo 2016 ko‘rgazmasida Toshkent shahrining o‘zida 1 ming kv. metrdan ortiq hududda mahalliy hamda xalqaro IT bozorining 120 dan ortiq, Namangan shahrida esa 500 kv. metrga yaqin hududda 40 dan ortiq Namangan va Andijon viloyatlaridagi yetakchi kompaniyalar tomonidan sohada ko‘rsatilayotgan xizmatlar, zamonaviy texnologiya va ishlanmalar namoyish etiladi. Ko‘rgazmada mahalliy ishlab chiqaruvchilar, shuningdek, kompyuter texnikasini ishlab chiqaruvchi korxonalar, dasturiy ta’minot ishlab chiqaruvchilar, IT-kompaniyalar dilerlari, provayderlar, telekommunikatsiya uskunalarini yetkazib beruvchilar, bank va boshqa muassasalar vakillari o‘zlarining qiziqarli stendlarini tashkil etmoqdalar. Uch kun davomida ko‘rgazmada 35 mingdan ziyod tashrif buyuruvchilar kutilmoqda.скачать dle 10.5фильмы бесплатно