Pergament Quality Exclusive MChJ flizelin asosidagi vinil gulqog‘ozlar ishlab chiqarish zavodini ochmoqda.

2017-yil O‘zbekiston uchun islohotlarni faol sur’atlar bilan jadallashtirish, xorijiy investitsiyalarni jalb etish va yangi yuqori texnologiyali ishlab chiqarishlarni tashkil etish yili bo‘ldi. Respublika rahbariyatining iqtisodiyotni liberallashtirish, biznesni qo‘llab-quvvatlash va ishlab chiqarishni modernizatsiya qilish bo‘yicha tutgan yo‘li o‘z mevalarini bera boshladi — import o‘rnini bosishga yo‘naltirilgan yangi ishlab chiqarishlar o‘zlashtirilmoqda.

O‘zbekistonda biznesni rivojlantirish uchun yaratilgan biznes-sharoitlar tufayli Toshkent shahri Yashnobod tumanida yangi gulqog‘oz zavodi ochilmoqda. Bu yerda xususiy investorlar ishtirokida va “O‘zsanoatqurilishbank”ning kredit liniyasi ko‘magida Pergament Quality Exclusive MChJ kompaniyasi tashkil etildi va u O‘rta Osiyoda flezilin asosli vinil gulqog‘ozlar ishlab chiqaruvchi yagona korxona bo‘ladi.

Korxona umumiy maydoni taxminan 10 ming kvadrat metrni tashkil etadi. Gulqog‘oz ishlab chiqarish dunyodagi yetakchi kompaniyalardan biri Olbrich GmbH (Germaniya) tomonidan ishlab chiqaruvchil uskunalarda amalga oshiriladi. Ushbu ishlab chiqarish liniyasi mashhur G‘arbiy Yevropa fabrikalarining so‘nggi yo‘nalish va tendentsiyalariga muvofiq flezilin asosidagi murakkab bo‘rtmalar, arashma bo‘yoqlar, shuningdek, tashqi tomonda ko‘pikli bo‘rtma ko‘rinishidagi vinil gulqog‘ozlar ishlab chiqarish imkonini beradi.

Ishlab chiqarishda, turli xil fon va rasmlarga ega bo‘lgan teksturali gulqog‘ozlar ishlab chiqarishga imkon beruvchi ikki relyefli bosma texnologiyasi qo‘llaniladi. Qabartma silindrni Sugravo GmbH (Germaniya), Andreotti (Italiya), LaserFlex (Buyuk Britaniya) kabi taniqli gravirovkalash kompaniyalari tomonidan yetkazib beriladi.

Pergament Quality Exclusive MChJ tomonidan atrof-muhitni muhofaza qilish masalasiga alohida e’tibor qaratilayotgani uning ishlab chiqarish jarayoniga jiddiy munosabatda ekanligini ko‘rsatadi. Ishlab chiqaruvchi, O‘zbekistonda bugungi kunda qabul qilingan ekologik me’yorlarga rioya qilish bilan cheklanmay, balki ulardan 10—15 yilga o‘zib ketishni o‘z oldiga maqsad qilib qo‘ygan.

Shu sababli, zavod chiqarilayotgan gazlarini to‘liq yonishini ta’minlovchi “toza chiqarish” tizimi, shuningdek ,atrof-muhitga har qanday komponentni chiqib ketishini oldini oladigan to‘liq yopiq holdagi ishlab chiqarish jarayonini amalga oshiradi. Misol uchun, hatto chiqindi bo‘yoqlar ham fabrika ichkarisida maxsus texnika bilan qayta ishlanadi.

Yuqori sifatli import xomashyosi va yuqori darajali ishlab chiqarish liniyasidan foydalangan holda, ishlab chiqarilgan gulqog‘ozlar tashqi ko‘rinishi va sifati bo‘yicha Yevropa standartlari darajasida bo‘lishi kafolatlanadi, shuning bilan birgalikda mahsulot iste’molchiga arzon narxlarda taklif etiladi.

Pergament Quality Exlusive MChJ narxlar bo‘yicha hammani hayratda qoldirishga va’da bermoqda: budjet sinfidan tortib eng yuqori sinfgacha bo‘lgan gulqog‘ozlar taqdim etiladi, lekin narxidan qat’iy nazar, mahsulotlarni “Yevropa sifati” birlashtiradi.



Garchi flezilin asosidagi vinil gulqog‘ozlar yaqinda paydo bo‘lgan bo‘lsa-da, xaridorlar allaqachon ularning afzalliklarini baholashga muvaffaq bo‘lishgan:

bunday gulqog‘ozlarni hamma joyga, garchi u DSP, yog‘och, shtukaturka, gipsokarton yoki beton devor bo‘ladimi deyarli har qanday sirtga yopishtirish mumkin;
bu yuvish mumkin bo‘lgan ishonchli qoplamalardir. Ular oshxona, koridor va mehmonxonalarni bezatish uchun juda mos keladi;

ular juda uzoq muddat xizmat qilish xususiyatiga ega va 10 yildan ortiq xizmat qiladi;

pishiq material va flezilinning egiluvchan xususiyati tufayli ular devorlarning notekisligi va nuqsonlarini osonlik bilan yashiradi;
ularni ko‘p marta bo‘yash mumkin, shuning uchun xonalarning ichki qismini vaqti-vaqti bilan o‘zgartirish imkonini beradi;
ular yetarlicha yuqori yorug‘likka bardosh beradi, ya’ni quyosh nurlari ta’sirida qorayib qolishidan qo‘rqmaslik kerak;
gulqog‘ozlar osonlik bilan yuzadan sidirib olinishi mumkin va buning uchun oldindan namlab qo‘yishni talab qilmaydi.

Iste’molchilarga vinil gulqog‘ozlarning eng keng tarqalgan o‘lchamlari taklif etiladi: 0,53 × 10,05 metr, 1,06 × 10,05 metr va 1,06 × 25,05 metr. Shuni taxmin qilish mumkinki, eni bir metrdan oshiq bo‘lgan o‘lchamdagisi xaridorgir bo‘ladi, chunki ular yopishtirilganda ortiqcha oraliqlar qolishini oldini olish mumkin bo‘ladi.

Yangi ishlab chiqarishda 150 dan ortiq ish o‘rinlari yaratiladi, ular asosan yosh avlod vakillaridan iborat bo‘ladi. Korxona qisqa muddatda mutaxassislarni o‘qitishga imkon beradigan samarali o‘quv jarayoni tashkil etadi.

Kompaniya ishlab chiqarishni mahalliylashtirish darajasini oshirish bo‘yicha samarali rejani amalga oshirish niyatida. Xususan, zarur xomashyo ishlab chiqarish uchun o‘z imkoniyatlaridan foydalanish, xarajatlarni kamaytirish va tayyor mahsulot tan narxini pasaytirish imkonini beradi.


“Bizning maqsadimiz faqat gulqog‘oz ishlab chiqarish emas. Biz import o‘rnini bosish haqiqat ekanini isbotlashni va mamlakat iqtisodiyotini rivojlantirishga o‘z hissamizni qo‘shishmi istaymiz. Fabrikamız jahonning eng yaxshi markalaridan dizayn va sifat jihatidan qolishmaydigan gulqog‘ozlarni ishlab chiqaradi, shu bilan birga ularni qulay narxlarda taklif etadi. Bu degani, kichik uylar egalari ham va yangi qurilgan uylardagi keng xonadonlar egalari ham o‘z didlari va mablag‘lari bo‘yicha gulqog‘ozni topishlari mumkin”, — deya ta’kidladi yangi korxona rahbari.

Yanada ko‘proq ma’lumot olish uchun ushbu telefon raqamlariga qo‘ng‘iroq qilishingiz mumkin: +998(95) 143−56−65.

Manzil: Toshkent shahri Yashnobod tumani, Jarqo‘rg‘on ko‘chasi, 39.скачать dle 10.5фильмы бесплатно