Nukus shahri va Beruniy tumani markazida Qoraqalpogʻiston Respublikasi isteʼmolchilar huquqlarini himoya qilish jamiyatlari federatsiyasi tomonidan “Isteʼmolchi kutubxonasi” quriladi.

“Istemolchi kutubxonasi” ning ichida Oʻzbekiston Respublikasi qonunlari, Kodekslar toʻplami, sharhlar, normativ huquqiy hujjatlar toʻplamlari va boshqa yuridik adabiyotlar, maʼrifiy, badiiy, ilmiy-ommabop kitoblar, Respublikamizda nashr qilingan gazeta-jurnallar hamda zamonaviy “BOOK CAFE”, bepul Wi-Fi tizimi, shu bilan birga internet orqali zarur kitoblarni topish imkonini beruvchi “eReader” elektron oʻquv qurilmalari boʻlishi koʻzda tutilmoqda.

Ayni paytga kelib hokimliklar va tegishli tashkilotlarga Qoraqalpogʻiston Respublikasi Joʻqorgʻi Kengesi Raisi va Vazirlar Kengashi Raisining topshiriq xatlari ijro uchun chiqarilgan.

Hozirga kelib Nukus shahri va Beruniy tumanlari markazidan yer maydonini ajratish masalasi koʻrib chiqilmoqda.скачать dle 10.5фильмы бесплатно