Telegram messenjerining yangilangan — 6-versiyasini taqdim etdi. Uning yordamida chatlar va kanallarni papkalar bo‘yicha alohida guruhlarga ajratish mumkin, deyiladi kompaniya blogida.

Masalan, foydalanuvchi papkalar yordamida ishchi va oilaviy chatlarni alohida ajrata oladi. Foydalanuvchi ma’lum bir turdagi chatlarning barchasini qo‘shishi yoki chiqarib tashlashi mumkin — “Kanallar” yoki “O‘qilmaganlar” kabi.

Mazkur funksiya dialoglar ro‘yxati juda uzun bo‘lib ketganida ishga tushadi, shuningdek, uni maxsus buyruq yordamida yoqsa bo‘ladi: uni quyidagi havola orqali aktivlashtirish mumkin.

Har bir papkada cheklanmagan miqdordagi chatlarni “yuqoriga chiqarib” qo‘yish mumkin.

Dialoglarni yashirish uchun “Arxiv”ga yuborsa ham bo‘ladi. Arxiv chatidan ogohlantirish kelsa, u yana ko‘zga tashlanadigan bo‘ladi. Ogohlantirish o‘chirib qo‘yilgan chatlar yangi xabarlar kelguniga qadar arxivda qoladi.

Foydalanuvchi sichqonchaning chap tugmasini bosib arxivni yashirin qilib qo‘ya oladi. Android qurilmalarda esa arxivlashtirish uchun chatning ustiga bosib turish, shundan so‘ng ochilgan menyudan arxivni “qotirib qo‘yish” yoki boshqa amallarni bajarish mumkin.

Papkalar Telegram o‘rnatilgan barcha qurilmalar bilan, jumladan, desktop dasturlari bilan ham sinxronizatsiyalashadi. Papkalar ko‘zga tashlanishi uchun kompyuter dasturiga yon panel va bir necha belgilar qo‘shilgan.

Shuningdek, Telegram mingdan ortiq obunachisi bor kanallar uchun statistika menyusini ham qo‘shgan. Masalan, kanal egasi kanalning o‘sayotgani yoki e’lon qilingan postning samardorligini kuzata oladi.
скачать dle 10.5фильмы бесплатно