“Yoshlar – kelajagimiz” jamgʻarmasi Beruniy tuman filiali tomonidan bugungi kunga qadar 9 nafar yoshlarning istiqbolli loyiha va biznes tashabbuslariga 906 mln soʻm kredit mablagʻlari ajratilgan boʻlib, 50 dan ortiq yangi ish oʻrinlari yaratildi, bu haqda “Yoshlar – kelajagimiz” Beruniy tuman filiali bosh mutaxassisi T.Matyakupov ma'lum qildi.

Bazarbayeva Gulxumor yoshligidan milliy shirinliklar, qandolat mahsulotlarini tayyorlashga boʻlgan qiziqishi tufayli kasb-hunar sirlarini puxta egallagan. “Shirin qoʻllari” bilan tayyorlagan pishiriq va shirinliklari orqali dastlab oila aʼzolarining, keyinchalik qoʻni-qoʻshnilar hamda dugonalarining olqishiga sazovar boʻlgan Gulxumor oʻzining biznes gʻoyasini amalga oshirishni orzu qilardi. Uning orzusidagi biznes tashabbusi “Yoshlar – kelajagimiz” jamgʻarmasi tomonidan haqiqatga aylantirildi. Yosh tadbirkorning manzilli roʻyxatdagi – milliy shirinliklar ishlab chiqarish loyihasiga 2018 yil dekabr oyida “Yoshlar – kelajagimiz” jamgʻarmasi Beruniy tuman filiali tomonidan uskunalar xarid qilish uchun 70 mln soʻm miqdorda 7 foizdan imtiyozli kredit ajratildi.

Tadbirkorlik faoliyatini boshlaganiga ikki oy boʻlgan Bazarbayeva Gulxumor bugungi kunda “SARVINOZ DIL” MCHJ rahbari, 3 ta yangi ish oʻrni yaratgan tadbirkorga aylandi. Tumanda turli xil assortimentdagi sifatli pishiriqlari bilan oʻz mizojlariga ega boʻlib borayotgan yosh tashabbuskor rahbar buyurtmalarning koʻpayishiga hisobiga yana yangi ishchi oʻrinlar yaratilish rejalashtirmoqda.скачать dle 10.5фильмы бесплатно