O‘zbekiston Respublikasi Prezidenti saylovi o‘z nihoyasiga yetganidan xabaringiz bor. Saylov uchastkalari o‘zining hisobotlarini Markaziy saylov komissiyasiga taqdim etishda davom etmoqda.

Bu orada biz O‘zbekistonda mavjud partiyalar o‘z nomzodlariga necha foiz ovoz to‘plashini kutayotganiga qiziqdik. Ushbu savol bilan O‘zbekiston “Adolat” sotsial-demokratik partiyasi Bosh shtabiga qo‘ng‘iroq qildik.

“Albatta, foiz hisobida aniq bir raqam aytish qiyin. Lekin, ishonamizki, avvalgi Prezident sayloviga qaraganda bu safar yaxshiroq natija ko‘rsatamiz. Buyog‘i soat 16:00 da bo‘lib o‘tadigan Markaziy saylov komissiyasining dastlabki natijalari bo‘yicha hisobotini e’lon qilinganida ma’lum bo‘ladi”, deydi O‘zbekiston “Adolat” sotsial-demokratik partiyasi Matbuot xizmati xodimi.

Ma’lumot o‘rnida, 2015 yil 29 mart kuni bo‘lib o‘tgan Prezident saylovida saylovchilar ro‘yxatiga kiritilgan 20 million 798 ming 52 nafar saylovchidan 18 million 942 ming 349 nafari ovoz berishda ishtirok etgan. Bu saylovchilar umumiy sonining 91,08 foizini tashkil qiladi.

Ulardan 389 ming 24 nafar yoki 2,05 foiz saylovchi O‘zbekiston “Adolat” sotsial-demokratik partiyasidan ko‘rsatilgan nomzod Narimon Majitovich Umarovga ovoz bergan.

скачать dle 10.5фильмы бесплатно