4 dekabr 20:00 da O‘zbekiston Respublikasi Prezidenti saylovida ovoz berish jarayoni o‘z yakuniga yetdi. Ovoz berish jarayoni natijalari xaqida Markaziy saylov komissiyasi hisobot bergani haqida xabar bergan edik.

Saylovda ovoz berish jarayoni o‘z yakuniga yetganidan so‘ng biz mavjud to‘rtta partiya nomzodlari ushbu saylovda necha foiz ovoz to‘plashga umid qilayotganiga qiziqdik. Buni bilish maqsadida O‘zbekiston Xalq demokratik partiyasi shtabi bilan bog‘landik.

“Biz ham O‘zbekistondagi boshqa partiyalar kabi ijobiy natija kutyapmiz. Lekin Markaziy saylov komissiyasining to‘liq hisoboti e’lon qilinmagunicha biror gap aytish qiyin. O‘zbekiston Prezidnetligiga nomzod Hotamjon Ketmonovga berilgan ovoz xalqning O‘zbekiston Xalq demokratik partiyasiga e’tibori hisoblanadi. Biz uchun har bir foiz ovoz muhim. Chunki bu partiyamizning mehnatiga xalqning bergan bahosi”, deydi O‘zbekiston Xalq demokratik partiyasi shtabi a’zosi Alisher Ravshanov.

Ma’lumot o‘rnida, O‘zbekiston Respublikasi Prezidenti saylovida jami 20 million 428 ming 891 saylovchi ro‘yxatga olingan edi. Undan 17 million 941 ming 955 nafari, ya’ni 87,83 foizi saylovda ovoz berdi.

Muxtorbek Abdullayev

скачать dle 10.5фильмы бесплатно